Янгиликлар
30
Xızmetkerlerdiń xızmet saparı qárejetleri óndirip berildi
Xızmetkerlerdiń xızmet saparı qárejetleri óndirip berildi
Usı jıldıń 6-mart kúni Shomanay rayonı turǵını A.G hám B.D, bunnan tısqarı jámi 11 puqara Shomanay rayonı ádillik bólimine 2022-2023-jıllarda xızmet saparında bolǵanlıǵı, biraq házirgi kúnge shekem bul xızmet saparı qárejetleri tólep berilmegenliginen narazı bolıp múrájat etti.
Bul múrájatlardı úyreniw dawamında puqaralardıń rayonlıq Sanitariya epidemiyalogiyalıq tınıshlıq hám jámiyet salamatlıǵı bóliminde jumıs isleytuǵınlıǵı, xızmetkerlerdiń 2022-2023-jıllarda xızmet saparlarında bolǵanlıǵı, bıraq usı kúnge shekem xızmet saparı qárejetleri tólep berilmegenli anıqlandı.
Ámeldegi nızamshılıqlar, atap aytatuǵın bolsaq, Ózbekstan Respublikası Miynet kodeksiniń 280-statyasına tiykar jumıs beriwshi xızmetker xızmet saparında bolǵan dáwir ushın kepillikli tólemlerdi ámelge asırıwı shárt dep belgilengen.
Joqarıdaǵılardı esapqa alıp hám de puqaralardıń huqıqların tiklew, olarǵa tóleniwi lazım bolǵan xızmet saparı pulların óndirip beriw maqsetinde rayonlıq Sanitariya epidemiyalogiyalıq tınıshlıq hám jámiyet salamatlıǵı bólimine orınlanıwı májburiy bolǵan Usınıs kiritilip, puqaralarǵa tóleniwi lazım bolǵan pullar tolıǵı menen óndirip berildi.
Shomanay rayonı ádillik bólimi insan huqıqların
qorǵaw hám huqıqtı qollaw ámeliyatın
úyreniw bólimshesi bas maslahatshisi R.Kómekbaev