Янгиликлар
30
Xızmetkerdiń aylıq is haqısı óndirip berildi
Xızmetkerdiń aylıq is haqısı óndirip berildi
Qaraózek rayonı Ádillik bólimine puqara M.B tárepinen Qaraózek rayonı Medicina birlespesi tárepinen aylıq is haqısı tolenbegenliginen narazı bolıp etken múrájatı bόlim tárepinen tiyisli tártipte úyrenip shıǵıldı.
Úyreniw dawamında, puqara M.B ǵa birlespe tárepinen aprel ayı ushın aylıq is haqısınıń bir bólegi (avans) tólenbegenligi anıqlandı.
Ózbekstan Respublikası Miynet kodeksiniń 253-statyasına kóre xızmetkerlerge mıynet haqı tólew múddetleri jámáátlik shártnamasında yamasa ishki hújjette, olar bolmaǵanda miynet shártnamasında shárt etip kórsetilgen múddetlerde belgilenedi hám hár yarım ayda bir márteden kem bolıwı múmkin emes. Xızmetkerlerge aylıq mıynet haqı, qaǵıyda kórinisinde, on altı kúnnen kóp bolmaǵan tánepis penen eki bólekke bólingen halda (avans hám qalǵan bólegi muǵdarında ) tólenedi.
Bólim tárepinen Qaraózek rayonı medicina birlespesine M.Bnıń tólenbey qalǵan is haqısın tólep beriw boyınsha Usınıs kiritgizilip, tólenbey qalgan is haqı pulları óndirip berildi.
Qaraózek rayonı ádillik bólimi