Янгиликлар
30
Shımbay rayonı ádillik bólimi tárepinen 18 puqaraǵa jámi 65 922 896 swm muǵdarındaǵı ústeme pulların óndiriw boyınsha puqaralıq isleri boyınsha Shımbay rayonlararalıq sudına kirgizilgen dawa arzası tolıq qanaatlandırıldı
Shımbay rayonı ádillik bólimi tárepinen 18 puqaraǵa jámi 65 922 896 swm muǵdarındaǵı ústeme pulların óndiriw boyınsha puqaralıq isleri boyınsha Shımbay rayonlararalıq sudına kirgizilgen dawa arzası tolıq qanaatlandırıldı
Shımbay rayonı ádillik bólimine Shımbay rayonı Kambaǵallıqtı qısqartıw hám bántlikke kómeklesiw bóliminde sociallıq xızmetker bolıp jumıs islegen jámi 18 puqara kóp jıllıq islegenligi ushın ózlerine hár ayda tóleniwi tiyis bolǵan ústeme pulları tólenbey qalǵanlıǵınan narazılıǵın bildirip, usı ústeme pulların óndirip beriwdi sorap múrájat etken.
Ózbekstan Respublikası Kambaǵallıqtı qısqartırıw hám bántlik ministrliginiń tiylisli buyruǵına tiykar ministrlik hám aymaqlıq bólimler xızmetkerlerine kóp jıllıq islegenligi ushın hár ayda ústeme tóleniwi belgilengen bolıwına qaramastan, joqarıda kórsetilgen xızmetkerlerge bul ústeme pulları tólep berilmegenligi anıqlandı.
Sol sebepli, Shımbay rayonı ádillik bólimi tárepinen usı 18 puqarınıń mápin gózlep Shımbay rayonı Kambaǵallıqtı qısqartıw hám bántlikke kómeklesiw bóliminen jámi 65 922 896 swm muǵdarındaǵı ústeme pulların óndiriw boyınsha Puqaralıq isleri boyınsha Shımbay rayonlar aralıq sudına dawa arzası kiritildi.
Kiritilgen dawa arza sud tárepinen tolıq qanaatlandırılıp, puqaralardıń buzılǵan huqıqlar tikleniwi támiynlendi.
Shımbay rayonı ádillik bólimi