Янгиликлар
30
Elektr energiyası hám tábiyiy gaz bir aylıq tutınıwınıń bazalıq normaları tastıyıqlandı
Elektr energiyası hám tábiyiy gaz bir aylıq tutınıwınıń bazalıq normaları tastıyıqlandı
Usı jıldıń 16-aprel sánesi menen “Janılǵı-energetika tarawında bazar mexanizmlerin engiziwdiń qosımsha ilajları haqqında”ǵı Húkimet qararı qabıl etildi. Qarar menen 2024-2025-jıllarda janılǵı-energetika resursları bahalarınıń basqıshpa-basqısh ózgeriw grafigi, 2024-jıl 1-maydan xalq ushın elektr-energiyası hám tábiyiy gaz bir aylıq tutınıwınıń “bazalıq normaları”, 2024jıl 1-mayǵa shekem janılǵı-energetika resursları bahaları asıwın esapqa alǵan halda minimal tutınıw qárejetleri qayta kórip shıǵıldı.
Húkimet qararı menen, 1-maydan baslap 1 kVt/saat elektr energiyasınıń bahası 450 swm boladı. Endi elektr energiyasınan kóp paydalanǵanlar kóp pul tóleydi, az paydalanǵanlar az tóleydi. Yaǵnıy: ayına 200 kVt/saatqa shekem – 450 swm, ayına 201 kVt/saattan 1 000 kVt/saatqa shekem – 900 swm, ayına 1 001 kVt/saattan 5 000 kVt/saatqa shekem – 1 350 swm, ayına 5 001 kVt/saattan 10 000 kVt/saatqa shekem – 1 575 swm, ayına 10 000 kVt/saat hám onnan joqarısına – 1 800 swm etip belgilenbekte.
Qararda tómendegi tutınıwshılarǵa júzege keliwi mumkin bolǵan qosımsha qárejetlerdi qaplaw boyınsha waqtınsha kompensaciya engiziledi:
-“Sociallıq qorǵaw birden-bir reestri” málimleme sistemesi arqalı kem támiyinlengen shańaraqlar,balalar napaqası hám materiallıq járdem alıwshı shańaraqlar:
- Birden-bir reestrge kirgizilmegen, “máhalle jetiligi” juwmaǵı tiykarında anıqlanatuǵın qosımsha mútaj shańaraqlar.
Sonday-aq, 2024-2025-jıl jılıtıw máwsiminde (noyabr–fevral aylarında) sociallıq qorǵawǵa mútáj shańaraqlarǵa 270 mıń swm muǵdarında bir mártelik materiallıq járdem pulları beriledi.
Qanlıkól rayonı ádillik bólimi yuridikalıq
xızmet kórsetiw orayı bas yuristkonsultı J.M.Otemisova